Taldyqorǵan qalasyndaǵy «Jastar» sport kesheninde bokstan «Jetisý Kýbogy» úshin jarys ótip jatyr. Jastar arasyndaǵy joıqyn judyryq ıesin anyqtaıtyn halyqaralyq týrnır bıyl on altynshy ret jalaýyn kóterdi.
Bul jolǵy jarysqa elimizdiń barlyq oblysynan bólek О́zbekstan, Qyrǵyzstan, Reseı, Tájikstan men Mońǵolııadan jas boksshylar kelip qatysýda. Úsh kúnge sozylatyn synda eki júzden astam bylǵary qolǵap sheberleri sharshy alańda naǵyz myqtyny anyqtamaq. Týrnırde 14 salmaq dárejesi boıynsha jekpe-jekke shyǵatyn boksshylardyń arasynda 5 qyz bala da bilek kúshin synaýda.
Jarystyń saltanatty ashylýyna arnaıy kelgen oblys ákiminiń orynbasary Aqan Ábdýálıev qatysýshylarǵa zor densaýlyq, tartysqa toly kezdesýler, ádil tórelik pen sáttilik tiledi. Al týrnır 27 qazanǵa deıin jalǵasapaq. Bul jolǵy básekede Almaty oblysynyń namysyn jıyrma shaqty jas bokshy qorǵaýda. Jeńimpaz saıypqyranǵa baǵaly syılyqpen qatar bokstan sport sheberi ataǵy berilmekshi.
Qalmahanbet MUQAMETQALI,
«Egemen Qazaqstan»
Almaty oblysy